feteas

Son los años sesenta y Fausto tien una vida casi perfecta. Tien una familia de manual, bona posición social y económica, ye cultu y educáu, pero... la so condición sexual caltiense zarrada en "l´armariu"

Tou esto ponse en peligru cuando na so casa entra un vendedor de seguros falsu y el so cómpliz, que van intentar timar a la familia.

Tou un cúmulu d´enriedos y situaciones burlesques al estilu de les obres de Fernando Valle Campal.

L´Agrupación Artísticu-Cultural “Padre Coll” presenta un montaxe teatral del autor Fernando Valle Campal, miembru del nuesu grupu de teatru.

Como ye habitual nos sos testos, la nuesa sociedá vese reflexada dende un puntu de vista de comedia ensin escaecer los temes que nos arrodien, munches vegaes nada prestoses.

Los asistentes a esti espectáculu basculan d´un sentimientu a otru, sienten un nuedu nel estómagu o se carcajean colos personaxes qu´apaecen; y pueden llegar a llorar de risa o de murnia.