feteas

La Compañía Asturiana de Comedias vuelve a sacar de les viñetes a los dos personaxes que salieren del llápiz d´Alfonso Iglesias y que meyor representen la socarronería asturiana: Telva y Pinón.

“Telva, la muyer sensata que ve constantemente les fronteres del so mundu, la so familia, que gruñe con escesiva frecuencia, pero tien un corazón d´oru y que cree que tien tomada la midía al so home, cuando en realidá ye precisamente tolo contrario.

“Pinón, la mezcla d´inxenuidá y retranca del campesín astur, que trabaya porque nun-y queda más remediu y que nun-y importa que la muyer lleve los pantalones, porque la so propia costiella acostubra a ponelos diariamente, en sentíu figuráu, claro.”

Sergio Buelga, nesta versión, da un xiru de 180 graos al llibretu orixinal, hasta nel títulu, pa que s´adaute a les formes y al llinguaxe del públicu actual, pero calteniendo la personalidá de los personaxes y el tremendu humorismu col cual Alfonso dibuxó esta comedia, pa que los nuevos espeutadores puean esfrutar de la mesma manera que lo ficieron aquellos que, fai casi setenta años, pudieron velos encarnaos sobre les tables polos míticos José Manuel Rodríguez y Aurora Sánchez.

Gracies por compartir con nosotros la esperiencia del teatru popular asturiano. Seya usté d´onde seya, el so teatru.

Más información en telvaypinon.blogspot.com