feteas

NUEVO TEXTO TEATRAL EN NUESTRA BIBLIOTECA

Noel Canto Toimil ye l´autor de la obra de teatru "El facedor de gomeros" qu´algamó´l premiu de teatru 2011 de l´Academia de la Llingua Asturiana. Ye una obra que fala de la realidá actual asturiana y ta enraigonada nel xéneru costumista. La obra muestra, al traviés del humor, de la ironía y de fechos y situaciones, delles vegaes surrealistes, una sociedá que yá camudó, un paisaxe distintu a la mítica Asturies industrial, minera y rural que suel servir davezu d´ambiente pa esti xéneru teatral. Ye un saltu del costumismu más clásicu a lo esperpéntico. El protagonista preséntase como llibertador y constructor d´una nueva sociedá sofitada nun pasáu industrial asturianu desaniciáu casi dafechu. Nes sos aiciones, la llocura, los naguares, la escentricidá, l´idealismu y la utopía xueguen un papel determinante a lo llargo de tola obra.

compartir: