¡AL LORO!

¿Pué’l teatru ser l’espeyu onde mirase la sociedá de agora? L’abandonu de los pas vese reflexáu nesta hestoria cómica, onde un golpe de fortuna y una “conciencia” que reconcome per dientru a la familia faen dar un xiru inesperáu y camuda de torna la vida rutinaria de Pachín. Un padre y hermanu que caltién l’humor y dalgún suañu na so mollera gracies al cuidáu d’una sirvienta bien particular; dempués de tiempu, recibe la tan esperada visita de los suyos, que´l fin resulta un alcuentru sorprendente. La comicidá, la intriga y les sorpreses transiten durante tola obra calteniendo les duldes hasta´l desenllaz final.