SANTA BÁRBARA TEATRO – «EL MOLÍN ENCARNAU»

El grupu Santa Bárbara Teatro lleva a Cuideiru una de les sos obres más icóniques: El Molín Encarnáu, escrita y dirixida pola so directora, Carmen Campo Mier.

Dende que’l mundu ta fechu, siempres hubo xente que quiso aprovechase de les debilitades de los demás. Nesti casu, un señoritingu de pueblu, que nunca dio un palu al agua, xuega coles ilusiones d’unos mozos ensin trabayu, a los que anima a poner, según él, un negociu mui orixinal (pa sacar pa él una bona taya).

Les coses nun son como paecen y el suañu dexa pasu a la realidá, que too seya dicho, tampocu ye tan mala.