Santa Bárbara Teatro – «Cita a ciegues cola xusticia»

Visi lleva más de trenta años viuda y tien bien asumío que la so vida va siguir siempres igual. Pero los sos fíos, convencíos de que tovía ye a tiempu de recuperar la ilusión, deciden apuntala a un programa de cites na televisión.

Lo que paez un xuegu inocente y una oportunidá pa volver sorrir, acaba convirtiéndose nuna auténtica llocura. Identidaes ocultes, engaños, malentendíos, un policía empeñáu en descubrir la verdá y una cadena de situaciones tan disparataes como imprevisibles van facer que la vida de Visi dea un vuelcu inesperáu.

«Cita a ciegues cola xusticia» ye una comedia actual, fresca y llena d’humor, onde nada ye lo que paez y cada escena sorprende con nuevos xiros y personaxes entrañables. Una historia d’enredos, equívocos y rises que demuestra que nunca ye tarde pa vivir una aventura… anque seya bien distinta de la que teníes pensada.

GÉNERO: Comedia
AUTOR: Carmen Campo
DIRECCIÓN: Carmen Campo
ELENCO: Carmen Campo, Diana Suárez, Bruno Pérez, Nieves Álvarez, Sara Palacio, Álvaro Vázquez, Sara Navarrete, Luis Barrera.
DURACIÓN APROXIMADA: 90 min
ESTRENO: 16/08/2026

https://santabarbarateatro.com/cita-a-ciegues/