SANTA BARBARA TEATRO – CAMÍN DE SANTIAGO

¡Estrenu absolutu!

Llega l’estrenu absolutu del nuesu nuevu trabayu, escritu y dirixíu pola nuesa directora, Carmen Campo Mier.

Esta obra teatral n’asturianu combina comedia con crítica social. Desendólcase nun pequeñu pueblu que ta a puntu de ver camudada la so vida coles espectatives qu’ufierta la inauguración d’un albergue de pelegrinos.

Mina y Ramón, un matrimoniu con espíritu emprendedor, ven equí una oportunidá pa progresar y dexar atrás el trabayu duru del campu. Mientres los vecinos lo celebren con ilusión, la llegada de dos moces misterioses que s’escuenden nel albergue vien a revolvilo too. A esto xúnense conflictos familiares, celos, mentires y intenciones bien escurres.

La obra afonda nel contraste ente tradición y modernidá, ente la vida rural y el turismu, y nes dificultaes d’un pueblu que quier medrar ensin perder la so alma.

https://santabarbarateatro.com/camin-de-santiagu/