Santa Bárbara Teatro – «CAMÍN DE SANTIAGO»

Mina y Ramón tán fartucos del trabayu duru nel campu.

Deciden vendelo too y apostar fuerte por un cambiu de vida: abrir un albergue pa pelegrinos nel so propiu pueblu, a la vera del Camín de Santiago.

La idea despierta ilusión entre los vecinos, que ven na inauguración una oportunidá de modernidá y puxanza pa la zona. Pero l’aparición de dos moces desconocíes, que paez que nun pasaron ellí por casualidá, empieza a despertar sospeches y a descolocar lo que paecía un plan redondu.

Mentires, celos, secretos de familia, intenciones que nun son lo que paecen… y una alcaldesa y un cura que nun quieren perder ocasión d’aprovechase de la situación si les coses xiren al so favor.

Tolos ingredientes pa que’l día a día del pueblu se vea atrapáu ente les ganes de medrar y el mieu a perder lo que ye.

Una historia de decisiones valientes, de les consecuencies del cambiu, y de cómo a veces lo que trai la prosperidá tamién pue traer conflicto.

GÉNERO: Comedia
AUTOR: Carmen Campo
DIRECCIÓN: Carmen Campo
ELENCO: Bruno Pérez, Luis Barrera, Carmen Campo, Diana Suárez, Susana Blanco, Sara Palacio, Nieves Álvarez, Jose Antonio Valle, Javier Valle, Álvaro Vázquez e Inés Avello
DURACIÓN APROXIMADA: 90 min
ESTRENO: 17/08/2025

https://santabarbarateatro.com/camin-de-santiagu/