CONCEYU SOL HÓRRU en VILLAYÓN

Ye un proyeutu que, embaxo una temática precisa: la muyer rural n’Asturies, busca la xunión d’un trabayu d’investigación y un llabor de creación artística n’entornos etnográficos significativos de la nuestra comunidá autónoma, con el oxetivu principal de espublizar y poner en valor el legáu de la muyer rural d’Asturies a través de testimonios direutos y el so tresformamientu en productos culturales: espositivos, educativos y escénicos.

El vienres que vien, 3 d’ochobre, nel salón d’actos del Colexu Públicu de Villayón a les 18:00 hores., Teatro El Hórreo de Lluarca  y Maliayo Teatro de Villaviciosa van a escenificar les dos obres de micro-teatru que ficieron en resultes de la so investigación y de les entrevistes que caltuvieron en Villayón y en Taramundi, respeutivamente.

Teatro El Hórreo va poner n’escena «A revolución dos mandiles» y Maliayo Teatro «Suañu d´una nueche de seronda» 

Vos esperamos!