Nesti momentu tán complicáu pa la escena, la Compañía Asturiana de Comedies vuelve a les tables, porque les persones que la integramos nun entendemos una Asturies ensin la nuestra cultura. Y faémoslo al traviés d’una comedia actual, pero enllena de la nuestra tradición de teatru popular asturianu. Asina, van poder alcontrar los personaxes carauterísticos, el llinguaxe cercanu y les situaciones más cómiques del teatru clásicu, pero llevaos a los nuestros díes.
Vamos presentar la historia d’un executivu que marcha de la capital y instálase nun faru dashabitáu de la costa asturiana pa pasar un añu sabáticu de paz y tranquilidá y escueye. Por embargo, y como nun podía ser d’otro manera, los peculiares habitantes del llugar nun-y van poner les coses tan fáciles como esperaba.
El testu mereció’l Premiu Aurora Sánchez al Meyor Testu de teatru Costumista del añu 2015. Esperamos qu’esta obra merezca los meyores de los premios: les sos rises y los so aplausos.